一韓燒

營業中

休息中

聽咗好耐啟德返工嘅朋友大讚呢間新開嘅韓燒，禮拜五晚特登黎試，全場滿座爭啲入唔到，淨係睇咁多街坊支持已經知係好嘢。一直對所謂生酮餐有少少抗拒，成日都怕會唔飽咁。 但韓式燒肉黎講又好啱喎，豬五花餐意外地好啱食，走飯淨係菜包肉都好滿足。 爐嘅火力幾好，好快就可以燒到表面焦香，因為有少少厚度，明顯感覺到煙韌嘅豬皮，一次過滿足兩個願望。北海道產黑毛和牛可以話係必試，尤其是牛肩胛超級大塊厚切，肉味濃又軟腍，點埋黑松露雞蛋，真係有食緊壽喜燒嘅感覺。肉眼蓋比較薄同多油脂，咬落去爆汁好甘香，點埋蛋汁絕對有錦上添花嘅作用，蛋香同牛味好夾，下定決心食和牛嘅話必須要加蛋。另外單點左牛小排同牛仔骨都好唔錯，首先好新鮮有肉味，係同長輩嚟食都會得到讚許嘅味道。 牛小排好有驚喜，厚切油花靚，同和牛比毫不遜色，贏過連鎖燒肉店嘅牛九條街。 牛仔骨都好味，但單點只係得兩塊，望住人哋叫牛仔骨餐有完整兩大條好羨慕，鍾意食牛仔骨嘅直接叫餐會好啲。