影片
更多
2018-07-31
355 瀏覽
西營盤擁有老區魅力，除了保留古舊街景，也有沿途街坊食店，之前有分享過，其中另一間叫「肥仔記」。 呢間「肥仔記」外貌頗有「沾仔記」影子，單拼 $18 、雙拼 $23，平近一半，選擇方面亦較多。牆上有列出一整排，慢慢揀。好食否？ 「雲吞拼牛腩」，正常水平，雲吞的蝦不是特別大，算爽彈，一口一個。 我覺得好吃雲吞的精粹不在 size 大，像蝦餃一口一粒剛剛好。有啲大到乒乓波咁，兩三啖先KO，餡料跌出來，外層又散開，一來失去吃傳統雲吞的神粹﹐二來又會食到淥嘴。 雲吞都是由店內大媽們包的，在門口可以見到她們包到無停手，話咁快包滿一盆，包雲吞技藝有返咁上下。我猜舖頭的雲吞應該在街坊街里間有相當多棒場客？！因為見到有不少街坊過來買生的淨雲吞回家煮，可能用來打邊爐或者淥粉麵。 另一個重點是，可以找到特別的餸，好像「鵝腸」，我雙拼滑牛。 打邊爐或街坊小炒才見到的食材，在麵店找到。鵝腸在準備上有點麻煩，所以一般都係出街食。鵝腸有人喜歡吃肥，我鍾意爽身。簡言之爽脆、乾淨，最重要是沒有異味。一碗聊作過口癮，收貨的。 沒有眼花，豆漿 $1 杯。今時今日，$1 都唔知買到乜 (學生的話直接會送)。雖是大路來貨，味
西營盤擁有老區魅力，除了保留古舊街景，也有沿途街坊食店，之前有分享過，其中另一間叫「肥仔記」。
呢間「肥仔記」外貌頗有「沾仔記」影子，單拼 $18 、雙拼 $23，平近一半，選擇方面亦較多。牆上有列出一整排，慢慢揀。好食否？
「雲吞拼牛腩」，正常水平，雲吞的蝦不是特別大，算爽彈，一口一個。
我覺得好吃雲吞的精粹不在 size 大，像蝦餃一口一粒剛剛好。有啲大到乒乓波咁，兩三啖先KO，餡料跌出來，外層又散開，一來失去吃傳統雲吞的神粹﹐二來又會食到淥嘴。
雲吞都是由店內大媽們包的，在門口可以見到她們包到無停手，話咁快包滿一盆，包雲吞技藝有返咁上下。我猜舖頭的雲吞應該在街坊街里間有相當多棒場客？！因為見到有不少街坊過來買生的淨雲吞回家煮，可能用來打邊爐或者淥粉麵。
另一個重點是，可以找到特別的餸，好像「鵝腸」，我雙拼滑牛。
打邊爐或街坊小炒才見到的食材，在麵店找到。鵝腸在準備上有點麻煩，所以一般都係出街食。鵝腸有人喜歡吃肥，我鍾意爽身。簡言之爽脆、乾淨，最重要是沒有異味。一碗聊作過口癮，收貨的。
沒有眼花，豆漿 $1 杯。今時今日，$1 都唔知買到乜 (學生的話直接會送)。雖是大路來貨，味道正常，又係良心價。
辣椒油也不賴：
有時覺得平民食店，平快又正常，要吃名氣不如支持小店，俾錢時起碼開心啲。
張貼
