影片
更多
2007-04-17
12 瀏覽
個日行左成個商場都唔知食咩好, 跟住行到一間餐廳到, 見到個waitress帶住親切笑容同我地介紹佢地當晚野食有d咩, 跟住我地就入左去食la~入到去原來同外面好唔同, 入面靚好多,又對住青衣橋, 都幾正~~咁入到去食ｄ咩？首先食係海鮮蕃茄籃做頭盆，之後麵包配南瓜忌廉湯，個頭盆真係好開胃，而ｄ麵包又好新鮮，個湯都未飲，就聞到陣陣忌廉香味，真係好正！食完喱ｄ小食之後就到主菜啦！我地食左有安格斯牛扒（６安士），仲有釀鴨胸配薯蓉。件牛扒有好香炭燒味，仲有不同芥辣選擇，總言之，好味～～～～ 食完主菜，就係食甜品啦！甜品都好好味，有一件意大利芝士餅同埋２個泡芙。睇起上黎，好似好簡單，冇咩特別，但食起上黎就真係好好味。個泡芙好似爆漿牛丸咁，一咬落去就有好多吉士醬流出黎，個感覺好rich；而個意大利芝士餅就唔太甜，d酒同芝士又唔會太濃，成個味道好balance，正！ 食完甜品之後，仲未完個wo~因為仲有杯咖啡未飲呀! 通常餐飲都會係咖啡或茶，但佢地卻係可以飲Mocha、Latte或者Cappuccino，仲唔洗加錢tim~~我飲左杯Latte，有咖啡味但又唔會苦，仲有好香濃奶味，唔錯～～ 講左
首先食係海鮮蕃茄籃做頭盆，之後麵包配南瓜忌廉湯，個頭盆真係好開胃，而ｄ麵包又好新鮮，個湯都未飲，就聞到陣陣忌廉香味，真係好正！
食完喱ｄ小食之後就到主菜啦！我地食左有安格斯牛扒（６安士），仲有釀鴨胸配薯蓉。件牛扒有好香炭燒味，仲有不同芥辣選擇，總言之，好味～～～～
食完主菜，就係食甜品啦！甜品都好好味，有一件意大利芝士餅同埋２個泡芙。睇起上黎，好似好簡單，冇咩特別，但食起上黎就真係好好味。個泡芙好似爆漿牛丸咁，一咬落去就有好多吉士醬流出黎，個感覺好rich；而個意大利芝士餅就唔太甜，d酒同芝士又唔會太濃，成個味道好balance，正！
食完甜品之後，仲未完個wo~因為仲有杯咖啡未飲呀! 通常餐飲都會係咖啡或茶，但佢地卻係可以飲Mocha、Latte或者Cappuccino，仲唔洗加錢tim~~我飲左杯Latte，有咖啡味但又唔會苦，仲有好香濃奶味，唔錯～～
講左咁多食物上野，咁服務呢？我有留意佢地服務，都做得好仔細。包括上菜會由女仕上起，放野上面唔會發出聲音，同埋ｄ碟唔會係你頭頂飛黎飛去，你一坐低，佢會問你，洗唔洗飲杯野先呢？不如俾杯暖水你先呀！所以服務都一流，有大酒店水準！
咁食餐咁豐富晚餐要幾多錢呢？只需要百幾蚊港幣～～真係好抵！物超所值、回味無窮。
張貼