罌粟花 (已結業)

曾經試過銅鑼灣嗰間私房菜「水月」，知道佢喺堅尼地城開咗間新店，今日唔知食乜好，就試吓呢度。店舖雖然好細，得3個座位，不過啲食物好似好吸引咁，就叫個外賣上車食。即叫即整不過等得唔算耐，好快就有嘢食海膽櫻花蝦天使麵 凍食 ($86)好想食漢堡包，不過識呢間小店都係因為呢道菜，於是放棄前者。一打開個盒，哇外觀好吸引啊！一捲天使麵上鋪滿海膽、櫻花蝦及蟹子，旁邊有紫菜絲；海膽唔係食開壽司嗰啲咁靚咁橙色，係偏橙啡，除咗質感上我知道呢舊係海膽外，海膽味就真係欠奉；相信大廚本身係想鮮甜嘅海膽做呢道菜嘅主要味道，所以天使麵會係偏淡，但可惜由於海膽味道欠奉，所以整道菜會好似冇乜味，不過天使麵都幾煙韌，連埋蟹子、櫻花蝦及紫菜一齊食係好層次豐富BBQ汁安格斯牛肉漢堡（＄58）啖啖牛肉都非常juicy，煙肉煎得好脆；BBQ汁以西梅、黑醋及蜜糖煮至濃稠，一齊食非常惹味，＄58非常抵食！漢堡包可改用菠蘿包，不過大雄唔想又甜又鹹所以揀返普通包，下次真係想試吓菠蘿漢堡包！秘製香脆雞翼（＄42）外面炸得好脆，但一咬開就會感受到鮮嫩多肉汁嘅雞肉，而且骨與骨之間冇嗰啲啡啡黑黑嘅肉，成隻雞翼都大隻肥美新鮮，就算唔點秘製醬汁都已