好客來餃子店 (已結業)

今日好想食餃子，所以係屋企附近求其入咗間餃子店。入到去，大約有6-7張枱左右，環境都算乾淨，但係人流唔多，一望就知道係做咗好多年嘅餃子店。應該做嘅都係熟客。我就叫咗個鮮肉香菇餃子，因為我中意食香口野，所以就叫咗煎餃子。鮮肉香菇餃子非常出色，勁濃郁嘅香菇味，好有驚喜，仲要皮好薄， 啖啖都係肉同香菇。鮮肉韭菜湯餃，都好食，好香嘅韭菜味，肉同韭菜嘅比例都非常好，不過因為香菇餃太出色，所以韭菜餃就變咗冇咁特別，哈哈。