老Come煎餅

營業中

休息中

平時好少食煎餅，因為香港都好少，朋友介紹呢間，位置都算易搵，就係路邊，不過舖頭好細間，得出邊兩張櫈可以坐。雖然細細間舖，但係都好多嘢食，尤其煎餅，有幾十種口味，而且有分大細，適合唔同人食。因為專登過嚟食煎餅，所以一人一個大嘅，可以當一餐飯。我梗係揀傳說中最正嘅北京烤鴨味，呢個味嘅煎餅我真係未食過，原來好好味㗎，北京填鴨果醬本身就甜甜地，同煎餅好夾，鴨肉份量好多，加埋中間嗰舊脆脆，真係好滿足。佢仲夾咗啲青瓜， 好fresh。朋友就叫咗個肉鬆味嘅，份量細少少，不過朋友話都好好味呀。幾時可以開一間喺九龍咁就正啦。