Burger Joys (第一街)

營業中

休息中

作為一個九龍人真係好少何過海，今日難得嚟到西環當然要食啲九龍冇嘅嘢啦burger joys 聽過好多次都未有機會試，舖頭細細好有外國feel，環境乾淨嗌咗一個魚柳漢堡同埋牛肉芝士漢堡炸魚柳炸得好香冇雪藏味，厚厚一塊魚柳炸完入邊唔會過熟，仲好滑同鮮牛肉芝士都好好食芝士嘅份量係完全覆蓋塊牛，咬落去牛唔會鞋口，仲煎得好香最值得一讚係佢嘅麵包下層半尺咁厚，但係佢好鬆軟食完咁大個包都唔會好滯！其中一個我哋仲加咗COMBO, 係罐裝可樂！薯條唔好睇落平平無奇，條條都食得出入邊既薯，唔會炸得太乾，剛剛好食到足料嘅薯仔餐牌仲有其他小食同埋唔同口味嘅薯條，下次再過海我都一定返嚟試下其他野。