加點茶 (已結業)

一直都有留意開同試下唔同嘅手沖飲品舖頭，今次呢間位於西九龍中心嘅加點茶有幾有驚喜，除咗味道唔錯之外仲好大杯，值回票價！呢度小店經營，雖然冇乜太多裝修或者宣傳，但結果發現佢嘅人飲品幾唔錯。選擇比其他大牌子既沖調飲品店多好多，最後諗咗兩諗決定試下舖頭嘅招牌奶蓋芝士系列，試左芝士奶蓋芋頭鮮奶。鮮奶見到佢用既係靚既鮮奶，而唔係沖奶粉。而且佢嘅芝士好厚，鹹鹹哋好滋味，飲之前可以打開蓋試左佢既芝士先！而芋頭佢唔會太甜，但係又好重芋頭味，好有咬口！