湘蜀人家

營業中

休息中

隱身於大有商場內，呢間紅噹噹嘅湘菜館，食唔食辣都唔好錯過，依家有套餐好抵食～上次嚟食過8人餐，今次就散叫試下套餐冇嘅羊肉先😬😬孜然山羊肉$169上枱時以錫紙保溫，滿滿一碟，有羊肉、洋蔥、香菜等等……一擺低就嗅到濃烈嘅羊香氣～孜然調味得嚟，食落都略帶辛辣味，不過冇羊肉的腥羶味，也不油膩。喜歡羊肉嘅要試試喇☺️酸菜魚 $185酸菜魚很大盤呢。。。滿滿嘅魚肉片、各種酸菜+蔬菜、仲有蕃薯粉，一整盤好豐富！魚片吸收哂湯嘅精華，好夠味道～而且有很多片，兩個人食剛好！喜歡酸菜魚因為有大量蔬菜，配合湯飲番碗，已經飽咗😂😂蕃薯粉超彈呢，粗幼適中，好好食啊！豆沙窩餅 $58即叫即做，熱騰騰上枱，正！鍾意外皮有d厚度、口感；內裏紅豆餡爆滿，咬呢邊從另一邊漏出嚟，而且剛好嘅甜度，太合心意😋自家豆漿 $22自家製豆漿，入口清甜，豆味濃厚，係解暑的不錯選擇。