影片
更多
2022-01-26
584 瀏覽
🐷🐷四季常餐🐷🐷講到《四季》香港地有邊個唔識😂😂😂但此四季不同彼四季，因為呢個係《四季常餐》🤣🤣🤣，今日乳豬帶大家食下呢間中環名物啦～～招牌茄牛通配炒蛋多士大家茄牛通相信食唔少，但有水準既茄牛通但真係要搵出來，《四季》一定係其中一間有好水準既。首先佢既湯係唔稀唔水，係較稠濃，有啲似羅宋湯，應讓都加左茄膏我估，入面有鮮茄，無揸流灘。牛肉就係用鮮牛，有番咁上下大塊，而且入哂湯味，通粉亦完全索哂啲湯，咬一啖彈牙通粉加埋舊牛放入口簡直人間美味，鐘意茄牛通千萬別錯過！！ 仲有另一主角就係炒滑蛋，呢個真係無得彈，我都想炒到佢咁。佢既炒蛋同外面一般食到既都幾大分別，首先蛋既顏色呈金黃色，同外面既淡黃色有分別，用既雞蛋應該有別，再黎係真係釨滑，唔知有無加到牛奶，本身蛋就無咩味道，但佢既調味洽度好處，唔太咸。還有，乳豬我就好少食多士既，但呢度既多士絕對可以一試，因為濃濃既面包香烤得唔錯，但可以燶多少少脆多少少🔥🔥鐘意既朋友不妨一試。推介指數：🐷🐷🐷🐷🐷真。濃雞湯叉燒通粉配炒蛋多士呢個通粉比人一種「清清地」既感覺，如果有唔舒服既朋友可以食，唔洗成日食白粥😂😂，因為佢個湯雖然好重雞味，但唔會覺得好咸好濃，叉
講到《四季》香港地有邊個唔識😂😂😂但此四季不同彼四季，因為呢個係《四季常餐》🤣🤣🤣，今日乳豬帶大家食下呢間中環名物啦～～
招牌茄牛通配炒蛋多士
大家茄牛通相信食唔少，但有水準既茄牛通但真係要搵出來，《四季》一定係其中一間有好水準既。首先佢既湯係唔稀唔水，係較稠濃，有啲似羅宋湯，應讓都加左茄膏我估，入面有鮮茄，無揸流灘。牛肉就係用鮮牛，有番咁上下大塊，而且入哂湯味，通粉亦完全索哂啲湯，咬一啖彈牙通粉加埋舊牛放入口簡直人間美味，鐘意茄牛通千萬別錯過！！ 仲有另一主角就係炒滑蛋，呢個真係無得彈，我都想炒到佢咁。佢既炒蛋同外面一般食到既都幾大分別，首先蛋既顏色呈金黃色，同外面既淡黃色有分別，用既雞蛋應該有別，再黎係真係釨滑，唔知有無加到牛奶，本身蛋就無咩味道，但佢既調味洽度好處，唔太咸。還有，乳豬我就好少食多士既，但呢度既多士絕對可以一試，因為濃濃既面包香烤得唔錯，但可以燶多少少脆多少少🔥🔥鐘意既朋友不妨一試。
推介指數：🐷🐷🐷🐷🐷
真。濃雞湯叉燒通粉配炒蛋多士
呢個通粉比人一種「清清地」既感覺，如果有唔舒服既朋友可以食，唔洗成日食白粥😂😂，因為佢個湯雖然好重雞味，但唔會覺得好咸好濃，叉燒煮得十分軟熟，加埋啲香草調味剛剛好。同樣，推介指數🐷🐷🐷🐷🐷
張貼