鬍鬚安火鍋菜館 (已結業)

雖然鬍鬚安在土瓜灣,已有一段不短日子.眾朋友俗事纏身,好難約埋一起風花雪月,昨日其中一個老友生日,出到呢個理由,無論幾忙,都要乖乖就範.昨夜繼續保持前日般寒冷,繼續打邊爐,不二之選.撞正跑夜馬,賭少日也值得.反正,今季埋單,輸多過贏.店子細細,夜夜爆場,如果唔係日前囉定檯,肯定要轉戰九龍城.六男兩女,坐得逼一點,也沒所謂.打邊爐的環境,理應地mau一點,風味亦會好一點.湯底有幾種選擇,今夜話明要吃得特別,點左個番茄花膠豬肚湯作湯底.潮式味菜胡椒豬肚之變奏,搭上番茄的湯底,加埋矜貴的花膠.學日日有食神朱凱婷話齋"膠質豐富".火窩配料反而無坊間咁多選擇,貴精不貴多.三寶魚滑,豆卜釀蝦仁,皮蛋魚餅,鮮八爪魚等,外面唔係好多地方吃到.八爪魚灼兩野就食得,好鮮甜.薑荵牛肉餃也不錯.懵仔魚片,當然唔係打左懵仔針的魚.外表,有點似油甘魚,質感似脆肉鯇.味道就比鯇魚勝一籌.唔同脆肉鯇般,味如嚼蠟.芋頭臘味餃,騎呢到極.白灼芋頭糕般.最平凡,往往最能岩眾麻甩河車,手切肥牛,完全令到班牛魔王瘋狂.八個人,係咁意幹掉三大碟.正如某老友話,如果打邊爐,遇著個唔食牛的人,都會幾乏味.打後雪花肥牛,相比手切,有所