欽記粉麵

營業中

休息中

又係幾十年老字號，不過咁多年只幫襯過一兩次，事關本人由幼稚園開始就係洪記粉絲，可能因為細細個未懂事，屋企人就經常帶我去洪記，有少少情意結掛。欽記既味道、用料、食材、手藝、辣椒油都跟洪記有八、九成相似，但依家全部變晒，越來越差。都唔記得左上一次黎係幾時，好似年幾兩年前掛，今次係第 3 次幫襯囉 ﹗第 1 次好滿意，好味 ﹗好似洪記，第 2 次，麻麻地，今次放工專登過黎大埔街市買海鮮，順道再試，多一次機會您 ﹗依家兩點幾，好快就有位。魚蛋鴛鴦加底走蔥，跟多碗清湯咁得意既？莫非佢地既清湯係招牌菜？試啖先，無咩特別乍喎，清湯一碗囉，味道略濃。魚蛋鴛鴦加底走蔥，當然先試個湯底啦，好淡口喎，又完全無香味，帶出唔到食客再想飲既衝動，失敗 ﹗點解額外比多碗清湯我呢？而且味道仲濃過依碗湯底，咁奇？係咪比食客自己調較湯底濃淡呢？我會唔會諗多左呢？湯對碗麵講係絕對重要，如果湯底做得唔好，真係無咩心情繼續食落去囉 ﹗白雪雪既魚蛋好有魚味，勁彈牙，但彈得黎假假地。河粉同熟麵不過不失，還可以啦，烚得都滿意，過關。總括黎講，麻麻地，應該都唔再黎喇，抱歉。自家辣椒油，點解咁咸既？唔香唔辣就試得多，但唔辣而偏咸既都係第