影片
更多
2023-05-25
391 瀏覽
拉麵湯底一向都係豬骨湯嘅天下，但近年雞白湯慢慢抬頭，湯底濃而不油，清而香溢，深得食客喜愛。嚟到位於灣仔嘅鳥華亭拉麵，餐廳設計充滿日本風格，一入去就聞到濃香撲鼻嘅雞白湯味，試啖湯不禁覺得此湯只應天上有。餃子餃子係鳥華亭自家新鮮製作，餡料為韭菜豬肉，煎到金黃嘅外皮，一咬落去即刻爆汁，好好味！唐揚雞即叫即炸嘅唐揚雞，一客有六件，夠晒抵食！唐揚雞用上特別醬料配合鳥華亭嘅獨特秘製方法，炸到皮脆肉嫰又多汁。明太子雞翼脹卜卜嘅雞翼，入面釀咗好多明太子，鹹香十足，但仍保留雞翼嘅肉汁。忌廉蟹肉餅即叫即炸嘅忌廉蟹肉餅，咬落去之後，就見到絲絲嘅蟹肉，濃郁嘅忌廉湯汁，口感一流。炸蓮藕片蓮藕片切得非常薄，炸到脆卜卜，非常香口惹味。特盛雞白湯拉麵餐牌有5款拉麵，分別係至極雞白湯拉麵、辛辣雞白湯拉麵、魚介雞白湯拉麵、雞白湯拉麵，至於特盛雞白湯拉麵，其實即係雞白湯拉麵嘅進化版，配料份量更多！雞白湯嘅湯底呈米白色，味道充滿濃郁嘅清雞香味，濃而不油，清而香溢。配料有蓮藕、蘆筍、紫菜、糖心蛋等，至於平時食開嘅日式叉燒，就變成慢煮鷄胸肉，非常軟腍又嫩滑！魚介雞白湯拉麵濃厚嘅雞湯加入魚介風味，鮮味即刻大大提升。呢度嘅拉麵仲可以
拉麵湯底一向都係豬骨湯嘅天下，但近年雞白湯慢慢抬頭，湯底濃而不油，清而香溢，深得食客喜愛。嚟到位於灣仔嘅鳥華亭拉麵，餐廳設計充滿日本風格，一入去就聞到濃香撲鼻嘅雞白湯味，試啖湯不禁覺得此湯只應天上有。
餃子
餃子係鳥華亭自家新鮮製作，餡料為韭菜豬肉，煎到金黃嘅外皮，一咬落去即刻爆汁，好好味！
唐揚雞
即叫即炸嘅唐揚雞，一客有六件，夠晒抵食！唐揚雞用上特別醬料配合鳥華亭嘅獨特秘製方法，炸到皮脆肉嫰又多汁。
明太子雞翼
脹卜卜嘅雞翼，入面釀咗好多明太子，鹹香十足，但仍保留雞翼嘅肉汁。
忌廉蟹肉餅
即叫即炸嘅忌廉蟹肉餅，咬落去之後，就見到絲絲嘅蟹肉，濃郁嘅忌廉湯汁，口感一流。
炸蓮藕片
蓮藕片切得非常薄，炸到脆卜卜，非常香口惹味。
特盛雞白湯拉麵
餐牌有5款拉麵，分別係至極雞白湯拉麵、辛辣雞白湯拉麵、魚介雞白湯拉麵、雞白湯拉麵，至於特盛雞白湯拉麵，其實即係雞白湯拉麵嘅進化版，配料份量更多！雞白湯嘅湯底呈米白色，味道充滿濃郁嘅清雞香味，濃而不油，清而香溢。配料有蓮藕、蘆筍、紫菜、糖心蛋等，至於平時食開嘅日式叉燒，就變成慢煮鷄胸肉，非常軟腍又嫩滑！
魚介雞白湯拉麵
濃厚嘅雞湯加入魚介風味，鮮味即刻大大提升。呢度嘅拉麵仲可以選擇直身麵同捲曲麵，直身麵相對爽口，而捲曲麵加人蛋黃，所以麵質有嚼勁及較掛湯，食呢個魚介雞白湯就啱晒！
張貼
