南角

營業中

休息中

紅豆生南國，咖啡豆可能就生於南角。九龍城本來係一個懷舊嘅地方，如果要保育，改變用途增加新嘅使用元素其實不壞。黎到南角食早餐，感覺到老闆係有用心去裝修一間本來喺機械廠既咖啡店。 除咗保留以前嘅招牌又加入左好多懷舊嘅裝飾，再加上店內幾個位置都有鮮花，坐得舒適又賞心悅目，可以一邊飲咖啡一邊對古物相思。食品方面，All day Breakfast 好大份而且係小有有羽衣甘籃既沙律菜，個碟仲係用粵東磁廠出品。真係好有心。最緊要係個杯咖啡，一般咖啡店叫左野，食品未到，就已上左飲品，變左飲完先食。呢個咖啡師好貼心，可能因為當時早餐時段唔多人，會係上咗一菜之後先至上杯咖啡。淨係服務都應該要加分。舒適嘅環境加良好嘅服務，呢度值得要推介。ps 咁岩當日，有媒體報導，似乎一間開張多時既店舖，喺芸芸嘅咖啡店中，已經確立左自己既定位同埋生存之道。