影片
更多
2021-06-03
148 瀏覽
今日約咗個好耐無見之前曾經一齊去過台灣既朋友聚舊可能疫情關係，對於台灣美食念念不忘，於是中午已經搵定今晚食乜好！最後決定去一間充滿台灣風土味既台式餐廳一解相思之苦。講起台灣美食，一定不其然會諗起肉燥飯，鹽酥雞扒，蚵仔麵線，花枝丸，牛肉麵等等。一入到去，台灣味立即湧現，更加令我愈來愈掛住台灣。招牌半筋半肉牛骨湯米粉$64一上桌，口水不自覺立刻增加分泌，食指大動。飲完啖湯覺得真材實料，熬製咗無數個小時，所以充滿牛骨味。啲牛肉好淋，完全唔會鞋口，亦唔會韌，仲好入味。米粉亦都煮得剛好，唔會太硬亦唔會過淋，控制時間做得好好！牛筋亦十分彈牙，份量如果多啲會更佳！蚵仔麵線$33同係台灣食既無兩樣，湯底不會過咸，蚵仔肉新鮮，份量亦十分足夠，好抵食！炸花枝丸（5粒）$26正常發揮，無炸過龍，肉質尚算彈牙，加上灑咗啲味粉，味道剛好不會太濃味。綜合甜不辣$28我最鍾意甜不辣既係佢個口感煙煙韌韌，有𡁻勁，配合埋個汁天衣無逢，不會過膩。不過略嫌魚餅有點失色。茉香珍珠奶綠$25 （跟主食減$10）+鳳梨蘆薈多多$35（跟主食減$10）奶綠應該變咗奶茶，所以略嫌口感淡咗小小但珍珠夠彈牙補返美中不足。鳳梨個味唔會假，
可能疫情關係，對於台灣美食念念不忘，於是中午已經搵定今晚食乜好！
最後決定去一間充滿台灣風土味既台式餐廳一解相思之苦。
講起台灣美食，一定不其然會諗起肉燥飯，鹽酥雞扒，蚵仔麵線，花枝丸，牛肉麵等等。
一入到去，台灣味立即湧現，更加令我愈來愈掛住台灣。
招牌半筋半肉牛骨湯米粉$64
一上桌，口水不自覺立刻增加分泌，食指大動。
飲完啖湯覺得真材實料，熬製咗無數個小時，所以充滿牛骨味。
啲牛肉好淋，完全唔會鞋口，亦唔會韌，仲好入味。
米粉亦都煮得剛好，唔會太硬亦唔會過淋，控制時間做得好好！
牛筋亦十分彈牙，份量如果多啲會更佳！
蚵仔麵線$33
同係台灣食既無兩樣，湯底不會過咸，蚵仔肉新鮮，份量亦十分足夠，好抵食！
炸花枝丸（5粒）$26
正常發揮，無炸過龍，肉質尚算彈牙，加上灑咗啲味粉，味道剛好不會太濃味。
綜合甜不辣$28
我最鍾意甜不辣既係佢個口感煙煙韌韌，有𡁻勁，配合埋個汁天衣無逢，不會過膩。不過略嫌魚餅有點失色。
茉香珍珠奶綠$25 （跟主食減$10）+鳳梨蘆薈多多$35（跟主食減$10）
奶綠應該變咗奶茶，所以略嫌口感淡咗小小但珍珠夠彈牙補返美中不足。
鳳梨個味唔會假，幾fresh，食完成餐飯飲返啖可解膩，不錯！
從唔知由幾時開始“古早”呢2個字係我心目中好有歷史又令人懷念既代名詞，所以大家如果太想念台灣味道，不妨去食一解思鄉之苦！
綜合嚟講，呢間嘢非常抵食，上菜速度亦十分快，有機會再去深水埗絕對會encore!
張貼
