稻香 (已結業)

大年初一，同爸爸親戚飲茶團拜，嬸嬸送咗盒稻香禮盒俾大家！真客氣！當我去完街返屋企，打開雪柜，見到一個稻香年糕及一個稻香蘿蔔糕，好似兩塊磚！ 呢個 packing 有度好，就係容易切！ 但係，我想搵番個禮盒，點知已經俾媽咪攪到粉身碎骨！ 真破壞！ 好在仲剩番個完整盒面！蘿蔔糕如果，切大約 1cm 厚，可以切到 10 片左右！混入不少白蘿蔔粒，臘腸粒幾多，些少蝦米。軟硬適中！唔會感覺好多粉，食落算有口感，起碼唔係腍！年糕帶有椰汁香味，真香！加埋雞蛋煎，更滋味！質感柔軟又有點煙韌，甜味適中！