武士拉麵 (已結業)

我個人食拉麵比較鐘情硬身D嘅拉麵口感,所以我幾鐘意依度嘅麵質有得選擇軟硬度。九洲地獄拉麵嘅辛辣地獄湯底雖然睇落紅噹噹好似好辣咁,但實質上並唔係嗆辣而係香辣。最值得一讚嘅係日式叉燒香肥瘦比例適中,而且經過火槍燒烤過所以帶有微微碳烤味,味道更有層次。糖心蛋嘅流心效果亦啱啱好。沾麵同樣選擇左粗麵,濃郁嘅豬骨魚介湯底中帶有淡淡柚子清香,令沾麵味道多左一份層次感,亦減少膩感,不過wasabi味就吾太食得出。新鮮熱辣辣炸起,唔會太厚粉,裏面嘅雞肉啱啱好,仲好juicy。