萬家燒餅皇 (已結業)

早兩天剛吃完清真, 今日嚟到旺角, 當然亦要嚐嚐萬家吧! 店子門面不大, 想像不到她一天可做咁多餅嚟賣. 好不容易才擠到柜枱, 貪心地要了個武大郎及牙擦酥. 武大郎個子不大, 但頗墜手! 一口咬落去, 沒有爆汁, 餅皮燒得唔錯, 香口的! 餅餡是豬肉菜圃, 味道ok, 但份量似乎過大了一點, 吃一個已經飽哂. 牙擦酥面有砂糖鋪着, 內裏卷着紅豆蓉, 入口比相像中乾身了一點, 但味道唔錯, 不太甜. 而且價錢還比武大郎平, 真係抵食!相比之下我就較喜款甜的紅豆沙酥, 這一仗是牙擦酥勝了! 下回合要試試燒餅皇了...