泰尚泰國菜館

營業中

休息中

幫襯左呢間泰國菜館好多次，因為服務同食物都好好，冇一次令人失望，而每次我地都必叫呢間既潮爆蟹，味道惹味之餘更加欣賞佢用既蟹夠新鮮。咁今次都唔例如，第一時間叫左隻蟹先，因為製作需時，之後就飲品叫左椰青同芒果沙冰，頭盤叫左生蝦刺身，夠凍同新鮮，配埋泰式醬汁同蒜片，好味開胃。第二道道係鐵板泰式蠔仔，呢個上菜時渣渣聲，新鮮滾熱辣，好正，蠔仔都尚算新鮮既。第三道係飛天通菜，正正常常，合格。第四道就係今晚期待已久既潮爆蟹啦，望落去真係好吸引，點知一拎上手，個蟹拑入面啲肉出出地水既，咬落去啲肉霉咖，死蟹黎喔，仲要死左好耐唉，同男朋友極之失望，成碟蟹都冇食過，之後埋單，個侍應見我地冇人食過隻蟹當然會問有咩問題啦，我地話唔新鮮囉，跟住佢急急腳收番碟蟹入廚房，當冇事發生咁我同男朋友都覺得冇所謂啦，因為以後都唔會再幫襯了。