漢陽苑韓國料理 (已結業)

一行三人去食, 由於肚餓, 所以5:30就去到了. 餐廳明明寫明5:30開始有得食, 但我地去到都仲見到佢地放緊D食物盤. 都算了,咁見我地o係門口,都應該識同我地講等一陣吧? 冇!!!等了5分鐘,要我開口問先至答我未得. anyway,入左去後發現野食好少,連魚塊都冇,醃料全部一樣,佩服! 燒左一陣後,女經理(?!)走過來熄細我地個火,話咁大火會整燶個鐵板(我地當時係用中火). 有人食韓燒會冇整燶個鐵板嘛?!!!!佢仲要解釋唔係因為會好食D,只係因為塊板會冇咁燶... 當時呆左唔識應佢.....燒左幾輪後,我叫待應換鐵板,佢應左我,但我要叫多幾次先真係換左. 換完鐵板5分鐘後,女經理(?!)又黎話我地個火大,整細個火(但今次係換鐵板的侍應開火的), 仲恐嚇我地話再整燶換鐵板的話要"賠"$10. 佢明明大大隻字(s)寫住係可免費換兩次鐵板的,而家換一次就恐嚇我,頓時唔想食落去. 而且個女經理之後係咁望住我地張枱...所以食多陣就走了. ps.見到有蚊o係熟食上面飛來飛去....