影片
更多
2016-06-06
1226 瀏覽
平時唔愛好食潮洲菜, 總覺得潮州菜無咩好食, 但今次朋友帶我黎食既呢間潮味居, 就令我大開眼界。朋友一坐低, 不消一會已經發好板, 幫我地幾個叫滿一枱餸。醃菜。功夫茶。花生原來食潮州菜前後都會有功夫茶飲, 味道偏向甘甘苦苦, 飲完會覺得個口好清。醃菜: 係甜多於咸既醃菜, 好爽口同開胃。前菜 - 豉椒豆腐干味道惹味, 豆腐干有咬口又夠吸汁, 菜圃口感清爽。滷水淨鵝片 $148滷水鵝片, 鵝片質感好軟淋, 滷水咸甜適中, 好入味。下面墊有滑溜豆腐, 同樣入味又夠香滑。金牌滷水鵝肝 $120超喜歡的一碟! 西式鵝肝吃得多, 中式仲要滷水, 真係第一次。每件鵝肝都豐滿有光澤, 咬下去食到好綿滑, 有鵝肝獨有既油香但就不覺得油膩!最重要是鵝肝竟然能與滷水汁這麼般配!店員說他們大廚是以法國慢煮方法來處理鵝肝, 才可以令鵝肝做到綿滑又不失油香。口水鮮花甲 $48這碟花甲以「口水」做法處理, 有花椒麻味又有辣椒辣味, 夠剌激。花甲飽滿, 啖啖肉, 無砂。墨魚卷拼普寧豆腐 $98左右兩側既炸豆腐睇落好似封上左一層粉末甘, 但其實果個係佢既炸漿黎架!外面炸到鬆脆, 入面係紮實既豆腐, 最驚喜係豆腐食到石
朋友一坐低, 不消一會已經發好板, 幫我地幾個叫滿一枱餸。
醃菜。功夫茶。花生原來食潮州菜前後都會有功夫茶飲, 味道偏向甘甘苦苦, 飲完會覺得個口好清。
醃菜: 係甜多於咸既醃菜, 好爽口同開胃。
前菜 - 豉椒豆腐干味道惹味, 豆腐干有咬口又夠吸汁, 菜圃口感清爽。
滷水淨鵝片
$148
39 瀏覽
0 讚好
0 留言
滷水鵝片, 鵝片質感好軟淋, 滷水咸甜適中, 好入味。
下面墊有滑溜豆腐, 同樣入味又夠香滑。
金牌滷水鵝肝
$120
212 瀏覽
1 讚好
0 留言
超喜歡的一碟! 西式鵝肝吃得多, 中式仲要滷水, 真係第一次。
每件鵝肝都豐滿有光澤, 咬下去食到好綿滑, 有鵝肝獨有既油香但就不覺得油膩!
最重要是鵝肝竟然能與滷水汁這麼般配!
店員說他們大廚是以法國慢煮方法來處理鵝肝, 才可以令鵝肝做到綿滑又不失油香。
口水鮮花甲 $48
這碟花甲以「口水」做法處理, 有花椒麻味又有辣椒辣味, 夠剌激。
花甲飽滿, 啖啖肉, 無砂。
墨魚卷拼普寧豆腐
$98
38 瀏覽
0 讚好
0 留言
左右兩側既炸豆腐睇落好似封上左一層粉末甘, 但其實果個係佢既炸漿黎架!
外面炸到鬆脆, 入面係紮實既豆腐, 最驚喜係豆腐食到石磨豆腐獨有既焦香味, 小小一件豆腐, 可謂心思之作。
傳統香煎蠔仔烙
$88
93 瀏覽
0 讚好
0 留言
潮州菜中我最鐘意食既就係蠔餅, 呢個蠔餅無街邊「油浸」炸出黎果隻蠔餅甘油膩。
入面有好多肥美蠔仔, 而且個餅既口感煙煙韌韌, 好有彈性, 係一個實而不華既菜式。
珍珠菜川椒雞球 $88川椒雞球最特別係伴以酥炸過既珍珠菜, 雖然有點油膩, 但珍珠菜變得好有咬口, 頗為特別。
慢火煎原條咸馬友 $168煎原條馬友再伴以潮洲醃黃豆, 將咸香味推至最高。
馬友肉質比我想像中滑, 而且好多肉, 又唔會食到骨。
啫啫馬拉芥蘭煲 $88味道濃烈的啫啫馬拉芥蘭煲, 十分惹味, 芥蘭爽脆。
沒有想過潮州菜式其實變化頗多, 而且味道都好實在, 沒有過多的花枝招展。吃過這餐後我一定會常常惦記起那個得獎的滷水鵝肝。
張貼
