泰和堂涼茶店

營業中

休息中

無論係夜晚喺旺角一個行完街, 或者同人食完晚飯想搵個地方hea多陣, 泰和堂涼茶館都係經常諗起嘅地方. 其實佢唔至於好好食, 但係廿幾蚊食碗中式糖水可以慢慢坐, 唔係咁多選擇. 旺角好多都係偏西嘅甜品鋪, 埋單每人通常要半百, 呢到經濟實惠, 雖然間鋪殘殘地, 但食左咁多年, 反而多左情意結. 今次食椰汁黑糯米, 對於飲乜都鐘意少甜嘅人黎講甜左少少, 但完全係接受範圍之內, 熱辣辣幾香甜, 但講唔出有乜過人之處. 黑糯米質地無麥米粥咁好咬口, 但又無紅豆沙咁淋, 處於兩者之間, 想食淋得黎又有啲咬口揀黑糯米就啱喇.一年加左兩蚊, 睇黎好快要改口叫三十幾蚊碗.唔知係咪個樣似紅豆沙, 食嗰時都覺得同紅豆沙個味幾似😅