影片
更多
2024-01-24
406 瀏覽
餐廳：The Globe (中環)地址：中環蘇豪嘉咸街45-53號地下A號舖要提到香港殿堂級嘅手工啤酒勝地，一定唔可以唔提中環蘇豪呢間有15年歷史嘅The Globe，過去拎過多次香港最佳酒吧嘅獎項🏆，有近百款嚟自世界各地嘅啤酒提供，加上朝10晚7都屬於Happy Hour時段，比你盡情喺呢個relax又充滿懷舊英式氛圍嘅環境飲個夠😎The Globe空間感非常大，到處都充滿英國氣息🇬🇧，一入門口喺一個傳統英式酒吧格局，旁邊有唔少卡位，行上閣樓仲好似入咗一個英國家庭嘅客廳咁，有梳發有大電視相當舒服，仲有個書櫃可以比你拎Boardgame嚟玩♟、拎書嚟睇📚就算你唔鍾意飲啤酒，The Globe嘅自家製英式佳餚美食都唔可以錯過，星期日中午過嚟仲有得食Sunday Roast，可以揀Two Courses($310)或者Three Courses($340)，另外亦可以加$200 2小時Free Flow任飲14款酒精飲品，當中有多個知名品牌嘅手工啤酒🍺，例如香港啤酒公司、本地少爺啤、青島、Estrella Damm，仲有Prosecco同幾款Cocktails比你飲到夠，愛酒之人真喺唔可以
地址：中環蘇豪嘉咸街45-53號地下A號舖
要提到香港殿堂級嘅手工啤酒勝地，一定唔可以唔提中環蘇豪呢間有15年歷史嘅The Globe，過去拎過多次香港最佳酒吧嘅獎項🏆，有近百款嚟自世界各地嘅啤酒提供，加上朝10晚7都屬於Happy Hour時段，比你盡情喺呢個relax又充滿懷舊英式氛圍嘅環境飲個夠😎
The Globe空間感非常大，到處都充滿英國氣息🇬🇧，
一入門口喺一個傳統英式酒吧格局，旁邊有唔少卡位，行上閣樓仲好似入咗一個英國家庭嘅客廳咁，有梳發有大電視相當舒服，仲有個書櫃可以比你拎Boardgame嚟玩♟、拎書嚟睇📚就算你唔鍾意飲啤酒，The Globe嘅自家製英式佳餚美食都唔可以錯過，星期日中午過嚟仲有得食Sunday Roast，可以揀Two Courses($310)或者Three Courses($340)，
另外亦可以加$200 2小時Free Flow任飲14款酒精飲品，當中有多個知名品牌嘅手工啤酒🍺，例如香港啤酒公司、本地少爺啤、青島、Estrella Damm，仲有Prosecco同幾款Cocktails比你飲到夠，愛酒之人真喺唔可以錯過😍
Sunday Roast基本上喺大部分英國家庭星期日返完教會崇拜後一齊食烤肉嘅傳統習慣🍖，因為喺禮儀上，崇拜前佢哋會禁食，返完教會一家人團聚食餐好嘅都喺件幾warm嘅事🥰
Sunday Roast相當豐富，
有外香脆內軟綿又充滿蛋香嘅Yorkshire pudding、烤薯仔同薯蓉🥔、燴紫椰菜、蜜糖汁紅蘿蔔🥕、炒雜菜🥬、烤釀栗子，仲有緊喺唔少得嘅主角烤肉同自家製惹味肉汁💦，分別叫咗個Wagyu Beef Rump同Kettyle Farms Pulled Lamb Shoulder，前者臀肉位置牛肉風味濃厚，脂肪同筋部比較少，以瘦肉為主好有嚼勁🐮；
手撕羊肩肉嘅羶香味突出，濃郁得嚟又好易入口，加上一絲絲每啖咬落都相當Juicy🐏，兩款肉都非常出色🤤，不過份量真喺多到其他配料食唔晒🤣Three Courses除咗主食之外，仲有前菜同甜品可以揀，
前菜叫咗個Soup of the day同Cured Salmon Bruschetta，是日靚湯喺Spicy Lentil soup，除咗煮到軟腍嘅豆之外，仲有薯仔粒、紅蘿蔔、洋蔥等材料，辣椒、孜然、咖喱粉等香料嘅配搭，加上少少檸檬汁提鮮🍋，呢個湯真心出色👍；
煙三文魚酸忌廉法包用咗酸種多士，放上厚厚一層希臘乳酪青瓜醬，加上蒔蘿、酸豆、酸瓜同煙三文魚，酸爽開胃，整體食材配搭幾夾又凸顯到歐陸風味😋甜品叫咗個Drunk Apple & Rhubarb Crumble同Warm Chocolate Brownie，
用醃漬咗嘅蘋果粒同大黃，配上酥脆嘅Crumble酥餅，加上雲呢拿雪糕🍨，酸中帶甜，口感層次豐富，一啲都唔膩；
朱古力Brownie食起上嚟仲喺熱辣辣🔥，濃郁朱古力香配埋果仁、蜜餞檸檬條同雲呢拿雪糕，冷熱嘅對比加上令人陶醉嘅朱古力香🍫，值得為咗呢個甜品再過嚟食多次🤩
張貼
