萬利來快餐

營業中

休息中

原本打算係合記食個出前一丁算，點知要等位，等等下是鬼旦去其他地方食啦，剩返廿分鐘食飯，見到萬利來有位求其。黑椒什扒飯炒底，時間無多，最緊要快，唔諗咁耐喇 ﹗快餐加埋凍齋啡要成 HKD55，都幾貴 ﹗食肉獸突然好想食飯，咪什扒囉 ﹗雞扒、豬扒、牛扒、煎蛋、腸仔，緊豐富啊 ﹗連雞扒都出埋，唔怪得貴啦。雞牛豬都好好味喎，無乸到腍劈劈，雞扒皮脆肉嫩又 juicy，豬扒夠香口，腍得黎有咬口，港式牛扒，不過不失。黑椒汁唔辣，偏重於甜酸味，撈炒飯食都唔錯。