漁獲浜燒 (已結業)

呢間餐廳都出名用日本直送嘅海產。所以我比較鍾意去食，貨源新鮮。日本嘅水質比較乾淨，所以用嚟做浜燒嘅食材就最好。呢支精酒好特別，飲落有少少嘅果香味帶甜，幾夾到嘅海鮮。係沖繩嘅特產海葡萄/苦瓜/海藻 ，味道帶酸醋味，好開胃嘅一款沙律。千萬唔好以為啲帆立貝係染色，其實係日本九州特產七彩帆立貝，味道都特別鮮甜。超新鮮刺身三文魚，吞拿魚味道較濃嘅一款，活赤貝爽口鮮甜，帆立貝厚度起碼有1.5cm，大得誇張，拖羅食落甘香，細細嘅一片，都已經好滿足。全部嘅海鮮都好新鮮生猛，見到咁已經洗晒口水，西班牙生蠔味道較淡，但勝在肉質豐厚，加啲清酒醬油就最啱。燒到啲蟹腳脹卜卜咁，新鮮度高，冇雪味。南非鮑魚比平時食嘅九孔鮑魚，更加濃味。呢個一定要食，蝦肉加蝦膏嘅麵豉，味道啱啱好，唔會太鹹，鮮味攞爆分，加埋彈牙爽肉嘅龍蝦肉，仲好食過沖繩嗰啲。最後就係椰子雪糕，100%椰子味又滑口。可以將日本唔同縣市嘅特產，一次過放晒入口 ，真係好滿足。