影片
更多
2019-05-25
356 瀏覽
今日先得閒寫食評😅前幾日男友補祝請佢媽咪食母親節大餐，帶埋我去，我有口福喇😍～嘻嘻！男友知佢媽咪同我都鍾意食海鮮，特登叫咗間餐廳嘅新菜式「原隻波士頓龍蝦鮑魚海鮮鍋配多士」（嘩，個名長到呢～如果唔係有影餐牌都唔記得🙈），不過呢個海鮮鍋有一樣野我實記得，就係⋯⋯好好味丫丫丫👍🏼😋 未食之前淨係見到個鍋乍，Auntie同我一齊🤩「嘩～嘩～嘩～」，之後當然梗係相機食先啦😂！影完後，即刻動手食喇！（我見餐廳裡面有俾客人用嘅洗手盆，我先會豁出去用手食乍😆）隻龍蝦好肥美，成舊龍蝦肉拉出嚟放入口，一個字「正」！食到龍蝦肉好彈牙新鮮，仲有鮑魚、青口、魷魚，正呀喂！除此之外，推薦俾大家必食嘅就係佢哋嘅甜品，超好味！個晚我哋張枱坐近收銀櫃，而我個位正正望到出菜位，我遠望見到老闆娘好細心咁刨檸檬，初頭我都唔知佢整緊咩，後來佢將份甜品擺上我哋張枱，我先知原來啲甜品係老闆娘自己親手整，真係不得了～好味到我想問下佢可唔可以教我點整🤣Auntie同我對呢餐非常滿意，見到Auntie影咗好多食物相，仲即刻upload上網俾朋友睇，佢笑得好開心，佢開心時男友同我都好開心😁😁😁👏🏼👏🏼👏🏼
張貼