楓林小館 (已結業)

是日母親節，作為仔女無論平時幾咁忙都好，點都要抽啲時間去同屋企人食一餐飯。住咗大圍已經超過廿年，成日經過楓林門口，都有一大堆靚車泊响外面，究竟有乜嘢咁吸引呢班豪客呢？所以藉呢個佳節同屋企人一齊試一下。踏入大廳，裝修古色古香，好似外國唐人街餐館格局。望一望啲牌匾，原來楓林已經開業三十幾年，响呢區可說是老字號。之前睇過吓啲食評，話乳鴒、蝦子柚皮、椒鹽中蝦最出名。不過我今次點菜隨心出發，簡簡單單叫咗三餸一湯，包括「咕嚕蝦球」、「荔芉香酥鴨」、「清炒西蘭花」及「蟹肉粟米羹」。入饌嘅都係真材實料，如粟米羹中嘅蟹肉都幾多，間唔中仲有啲蟹黃添。蝦球炸得恰到好處，外面炸到有少少脆，但係蝦肉本身仍然十分爽脆鮮甜，醋唔會落得太過份，酸酸地都幾醒胃。香酥鴨烹調嘅時間比想像中耐好多，初時都誤以為落漏單。結果三催四請終於出場。外表金黃鬆化，芉頭夠粉夠淋，鴨肉亦炸到連骨都脆晒，可以食埋落肚。飯後送嘅紅豆沙用料唔吝嗇，唔會水汪汪。叫得做老店，服務質素有陣時都需要遷就一下。席間隔離檯與侍應因菜等到太耐而爭論是否落漏單，顧客連番質問，侍應須不致於拂袖而去，但亦有點氣沖沖。香港人，輕鬆一點吧。埋單計五百蚊，不算平，但味道