金記客棧 (已結業)

母親節一家大細睇睇戲，買完飛未夠鐘一齊試下隔離新開金記客棧。入邊裝修都唔錯，三個人坐得舒舒服服，打開menu揀左幾款金記冰室無既試下，避風塘焗中蝦幾惹味，夠晒香脆可連殼食，最啱我呢d懶人。避風塘蒜香炒辣蟹無記錯仲有椒鹽、咖哩揀，隔離枱就叫左椒鹽，唔係我八卦人地，係因為坐係隔離都聞到勁香，即時有d想轉軚，話口未完就黎左，唯有下次啦。避風港炒都好味既，蟹肉本身夠鮮甜，但覺得辣方面可以重手返d。明爐燒鵝例牌張相影得衰，其實三個人好夠食，另外叫左兩個白飯share差d食唔晒，無計啦，要留肚夜晚食大餐嘛。話明明爐燒鵝，下邊堅有明爐，鵝皮夠晒香脆，口感好過出邊好多舖頭，最起碼我Like。最後埋單三佰頭，唔係貴啦又蝦又蟹，好食就抵食。