唂咕

營業中

休息中

今日本身同朋友喺灣仔食中午飯，本身係約一齊食生日飯嘅，朋友揀完餐廳之後，我即刻醒起附近有呢間朱古力飲品店，就決定買埋上去俾佢飲，因為呢間真係我喺香港飲過最好飲嘅朱古力店！首先我為自己叫咗一杯熱cocoa milk base，店員都好熱心咁樣提醒我可以揀植物奶，而有啲lactose intolerance我就揀咗要左oat milk，呢度唔使加錢都有得轉植物奶，真係好細心！好鍾意呢度嘅朱古力係用上純天然嘅，完全唔會死甜，而且勁香，感覺都好健康，加埋口感細膩又濃郁，真係每次叫都覺得好好飲。而我幫朋友就揀咗一杯凍almond raspberry嘅特色黑朱古力，朋友飲完之後都大贊勁好味，佢話飲得出個特濃朱古力柔順滑嘅口感，加埋原本raspberry有少少酸酸甜甜，真係會飲上癮。所以話真係唔好睇少小店，呢間朱古力特飲真係任何人試過都會話好味！而且我今次嚟發覺佢哋仲有做緊stamp card，真係勁適合我呢啲經常會嚟幫襯嘅客！