影片
更多
2022-10-07
1772 瀏覽
餐廳：House Of Grace (觀塘)地址：觀塘鴻圖道22號俊匯中心6樓一般樓上Cafe比人感覺都喺嘢食求其、貴夾唔飽，志在有個地方比人Hea吓、成班朋友玩吓board game♟。今次去咗觀塘呢間開咗接近3個月嘅House of grace @houseofgrace_hk ，令我對Cafe嘅感覺完全改觀😍呢間Cafe雖然喺俊匯中心6樓一間教會裡面，不過完全對外開放，Cafe名叫House of Grace💕，顧名思義喺想表達一個充滿恩典嘅家💒。原來呢度未開業之前喺一個配合教會做義工嘅場地，過去嘅3-6月仲派出咗超過7000個飯盒，依家間中仲會有飯盒派發活動，而有幾個義工就因為理念相近就夾份開咗呢間Cafe，餐廳設計同枱櫈、梳化都比人一種「家」嘅感覺🛋呢度唔收加一，亦可以無限時任坐，每日都會有一到兩款Welcome drinks，比所有嚟到嘅人可以免費斟嚟飲，而去嗰日喺洛神花香片茶同杭菊茶🍵，喺到食嘢、玩Board Game🎲、上吓興趣班(Eg手沖咖啡、烘焙班)、打躉、溫書📚、做嘢📋、休息都一流Cafe大廚之前做開私房菜，所以對食物嘅質素好有要求✊，佢哋大部分食物甚至甜品都喺自
地址：觀塘鴻圖道22號俊匯中心6樓
一般樓上Cafe比人感覺都喺嘢食求其、貴夾唔飽，志在有個地方比人Hea吓、成班朋友玩吓board game♟。今次去咗觀塘呢間開咗接近3個月嘅House of grace @houseofgrace_hk ，令我對Cafe嘅感覺完全改觀😍
呢間Cafe雖然喺俊匯中心6樓一間教會裡面，不過完全對外開放，Cafe名叫House of Grace💕，顧名思義喺想表達一個充滿恩典嘅家💒。原來呢度未開業之前喺一個配合教會做義工嘅場地，過去嘅3-6月仲派出咗超過7000個飯盒，依家間中仲會有飯盒派發活動，而有幾個義工就因為理念相近就夾份開咗呢間Cafe，餐廳設計同枱櫈、梳化都比人一種「家」嘅感覺🛋
呢度唔收加一，亦可以無限時任坐，每日都會有一到兩款Welcome drinks，比所有嚟到嘅人可以免費斟嚟飲，而去嗰日喺洛神花香片茶同杭菊茶🍵，喺到食嘢、玩Board Game🎲、上吓興趣班(Eg手沖咖啡、烘焙班)、打躉、溫書📚、做嘢📋、休息都一流
Cafe大廚之前做開私房菜，所以對食物嘅質素好有要求✊，佢哋大部分食物甚至甜品都喺自家製，堅持用料新鮮同保持食物材料嘅原味道同真實性，蔬菜仲嚴選本地新鮮有機農場嘅貨源🥬，最重要每個星期都會設計唔同嘅Lunch Menu菜式，所以每個禮拜嚟都有全新嘅驚喜🎉
✝️HOG全日早餐 $118
基本上大部份人嚟親都會叫、而且大獲好評嘅All Day Breakfast，
裡面有嚟自本地元朗菇場嘅有機大啡菇🍄，焗爐溫度控制得啱啱好，軟嫩爆汁💦；加咗黑松露醬、有陣陣牛油香嘅炒滑蛋；兩條紐倫堡腸；香烤菠蘿🍍；紅菜頭青瓜沙律🥒；新鮮多汁嘅蕃茄扒🍅；用檸檬🍋、乳酪、刁草整成嘅自家制檸檬蛋黃醬配有機沙律菜🥗(+$18)；仲有外脆內有千層口感、用生牛角包去焗脆再壓成窩夫嘅煙肉芝士牛角酥窩夫🧇。
加$18仲可以換購一杯Cappuccino☕️
✝️紅酒燉牛頰肉蝴蝶粉 $98
先將洋蔥🧅、紅蘿蔔🥕、蕃茄煮腍，再加入秘製紅酒汁去燉；當中用咗4種香料、紅酒🍷、黑啤🍺、梳打水、香草🌿，仲唔少得帶嚟香辣滋味同可以去除咗牛頰羶味嘅黑椒，同埋加咗無乜人識嘅咖啡去提升牛頰肉層次香味。
牛頰肉要前一日準備，先煎再封汁，再以低溫去燉煮，牛頰肉充滿筋同脂肪，血管多而帶出牛肉味濃郁嘅特質🐮，食落惹味出色，睇得出大廚落咗唔少心機去整❤️
✝️特濃「多層」三重朱古力蛋糕 $48
無麩質嘅多層特濃朱古力蛋糕，朱古力味濃郁而且一啲都唔溜🍫，
食落順口柔滑有多重口感，食得出用料講究，嚟到一定要試吓😋
✝️布甸版咖啡雪糕 $48
咖啡雪糕Affogato呢款意式甜品就成日聽得多🍨，House of Grace就發揮諗頭🧠，on top喺Affogato上面再加入布甸，令甜品無咁單調，
除咗香醇嘅Espresso咖啡香，仲有粒粒雲呢拿籽嘅雲呢拿雪糕同充滿蛋奶香嘅布甸，食完超級滿足😎食到咁上下，就算成間Cafe坐滿晒人踢晒腳，大廚都專登走出嚟問每一枱客人對食物嘅意見👨🏼🍳，憑呢一下舉動就知道呢間Cafe對每一個細節有幾咁用心🥰
張貼
