高高酒家 (已搬遷) 新店位置

上星期五晚, 再次幫襯為舊同事聚舊食飯, 但係食完呢餐之後, 大家都一致同聲話下次要…食西餐！由於係星期五晚, 當然有訂位, 7:00pm前準時到達被安排坐樓上, 眼見當時已經有9成满, 可能人太多關係, 完全感受唔到有冷氣, 好彩我哋坐嗰張枱隔离有把坐地風扇幫手吹吓, 但都於事無補, 全程個個食到出哂汗, 覺得應該要加多幾掛牆風扇舒緩吓。講返啲嘢食, 之前食過2-3次都覺得可以嘅, 但唔知係咪多人關注咗, 又可能全場爆滿, 啲嘢就煮得好快, 等你嗱嗱聲食完走咁佢哋咪可以又多一單生意囉！當晚我哋總共10個人, 叫咗:-椒鹽豆腐…OC米網蝦卷…OC脆皮豬手…正常生炒糯米飯…正常好食芝士蝦球伊麵底…一般話梅骨…OC翅湯雜菜煲…可以冰鎮咕嚕肉…可以蜆介鯪魚球…OC當中"OC"嗰4樣全部係炸物, OC得好緊要(自己睇), 尤其是個鯪魚球, 唔講以為係炸牛丸…服務態度…就, 可能見我哋冇飲啤酒, 其次就係出面有好多人等位, 所以經常都好關心問: 啲嘢嚟齊未呢…真係…好。