Just Eat (已結業)

西營盤近年開咗唔少新餐廳，氣氛仲好chill，好休閒，放工去食飯真係可以鬆一鬆，有度假feel🏖️🏜️今日去咗離西營盤港鐵站三分鐘路程嘅just eat，雖然係小店，但係佈置得好有型格。餐廳以黑白灰為主，門口擺咗一盤紫色嘅蘭花，好有格調。天氣熱，飲杯凍飲🥤透心涼，越式凍檸茶用上青檸，比一般檸檬茶更特別。波蘿冰我都好鍾意，因為佢嘅菠蘿肉好多好香甜，超解渴。越南餐廳梗係要試下生牛肉湯河啦，呢度係用上手切牛肉，湯底充滿牛肉濃香，河粉又爽又滑好高質。香茅豬扒香口，配上蔥油非常惹味。這餐越南菜，真係令人稱心滿意❤️