味力冰室

營業中

休息中

每次放lunch 行過附近就見到呢個餐廳排哂長龍，我一個人易搵位，咁岩又唔知食咩好，就黎試下佢既常餐/叉燒蛋飯有幾好食。Turnover快既餐廳，一坐低就有人寫野。野飲好快就黎左，個飯轉頭都黎埋，效率夠高。個飯既size ok，但就唔係好知點解周圍有咁多唔知係蛋汁定醬汁既汁喺度。味道還好，個甜豉油汁正正常常既。蛋都算滑，但個叉燒就真係太瘦。對我呢d注重口感既人黎講，佢既叉燒實在太瘦太韌，唔係好掂。對上一次黎食就係食常餐，都係跟叉燒，印象中都係比較韌既叉燒。唔知食瘦叉係詢眾要求定咩，我就鍾意半肥瘦既。眼見附近愈開愈多類似既餐廳，鰂魚涌站附近多左一間，太古果邊又有敏華，康怡入面又有一間。雖然餐廳多，食飯既人仲多，但競爭都唔細。