影片
更多
2018-03-04
41 瀏覽
第一眼比呢間餐廳吸引住，係好多個笑哈哈波波，心唸又可以影張相呃like。同朋友影咗一陣，睇吓個餐牌，價錢都好合理，就決定入去食啦。入到去 全部都係黃色笑哈哈波波，最欣賞係個碟寫住 “you made us all smile 😃 ” 坐底就覺得開心。香脆炸蝦丸雜菜沙律用咗個籃裝住啲蝦丸，蝦丸外脆內有大大蝦肉。仲有雜菜沙律可以食，感覺可以沖淡熱氣。馬介休球配雜菜沙律炸馬休魚球食落軟琳琳，外面係薄薄地少脆，內面有馬鈴薯泥、洋蔥、芹菜同馬介休，食落好飽肚自家製烤肋骨 (半份)份量都唔少，有肋骨，薯條同沙律。肋骨大大條，醬汁酸酸甜甜。薯條係細條薯條，沙律份量多。包喎西班牙海鮮飯本身想食呢個飯，可惜食嗰陣時冇包，個staff都同我哋講個日冇哂包，叫我哋可以轉食其他，或者照食個飯就可以減＄10。朋友都係好想食飯，最後都叫咗呢個飯。西班牙海鮮飯飯則比較硬身，有咬口，入面有唔少嘅海鮮有青口魷魚虾，飯入味，相信如果有包味道層次會更多。雲朵特濃朱古力呢個好靚呀，上面有個大棉花糖，可以滅嚟食，下面係笑哈哈樣嘅朱古力。好驚太甜，飲落味道啱啱好。焦糖爆谷雲朵雪糕呢個都係呃like既時候，雲朵上面有焦糖爆谷，中間
第一眼比呢間餐廳吸引住，係好多個笑哈哈波波，心唸又可以影張相呃like。
同朋友影咗一陣，睇吓個餐牌，價錢都好合理，就決定入去食啦。
入到去 全部都係黃色笑哈哈波波，最欣賞係個碟寫住 “you made us all smile 😃 ” 坐底就覺得開心。
香脆炸蝦丸雜菜沙律
用咗個籃裝住啲蝦丸，蝦丸外脆內有大大蝦肉。仲有雜菜沙律可以食，感覺可以沖淡熱氣。
馬介休球配雜菜沙律
炸馬休魚球食落軟琳琳，外面係薄薄地少脆，內面有馬鈴薯泥、洋蔥、芹菜同馬介休，食落好飽肚
自家製烤肋骨 (半份)
份量都唔少，有肋骨，薯條同沙律。肋骨大大條，醬汁酸酸甜甜。薯條係細條薯條，沙律份量多。
包喎西班牙海鮮飯
本身想食呢個飯，可惜食嗰陣時冇包，個staff都同我哋講個日冇哂包，叫我哋可以轉食其他，或者照食個飯就可以減＄10。朋友都係好想食飯，最後都叫咗呢個飯。
西班牙海鮮飯飯則比較硬身，有咬口，入面有唔少嘅海鮮有青口魷魚虾，飯入味，相信如果有包味道層次會更多。
雲朵特濃朱古力
呢個好靚呀，上面有個大棉花糖，可以滅嚟食，下面係笑哈哈樣嘅朱古力。好驚太甜，飲落味道啱啱好。
焦糖爆谷雲朵雪糕
呢個都係呃like既時候，雲朵上面有焦糖爆谷，中間係有笑哈哈圖案，同雪糕。雪糕好柔軟，同朋友不黎食。
伯爵茶焦糖布丁🍮
鍾意食焦糖布丁，上面整到吹卜卜，食落甜地地
特飲
呢間餐廳做緊一個優惠，只要係ig/fb打卡，就可以免費有一杯特飲，梗係要拎優惠啦。
張貼
