大飯糖甜品小食屋 (已搬遷) 新店位置

雖然芒果濕熱，但我都好想成日食，每次食泰國菜定係食糖水都總會嗌一個芒果嘅菜式，我身邊嘅朋友都知道我係芒果嘅愛好者，節以今次嚟到大飯堂糖一定唔會少得芒果嘅！我今日身痕，突然之間好想食甜湯，所以收咗工就一個人趁佢未旺長嘅時候去食糖水，估唔到一大早已經有好幾台客人喺度，不過我一個人坐邊度都OK啦。哈哈，今次嗌左個芒果之城，純粹係貪佢以芒果為主打嘅一款出色糖水，其實如果係呢度食兩碗糖水已經可以當係一餐晚飯，因為佢有好多配料，有芒果雪糕、芒果星星、黑珍珠再加水晶同椰奶，當然唔少得就係我最愛嘅芒果肉啦。今次啲芒果雖然冇上次咁出色啦，但係一定好過出邊嘅糖水舖，雖然唔算勁甜，但好在佢夠凍，不過可能係我太鍾意食甜，所以就覺得佢唔夠甜，在我眼中唔夠甜就唔出色。啊！我諗到一個原因啦，可能係因為今次得一個人嚟，下次等我帶埋一大班friend再嚟食先！到時碗糖水一定甜到入心入肺。