鳳鳴居

營業中

休息中

鳳嗚居真係我耐唔耐就想食嘅餐廳，醉香雞湯麵真係百試不厭，試過一次叫咗其他嘢之後，以後都叫返醉香雞湯每次嚟都一定要等好耐嘅人氣餐廳，但我次次都唔介意等，因為真係太鐘意！而每次都一定係叫醉香雞湯麵，湯底好濃嘅酒香，但不失鮮甜。湯仲有木耳同紅棗，好好味。雞件份量唔少又大件，嫩滑又夠味。仲配埋個辣椒豉油用嚟點雞超正！價錢仲要唔貴，50蚊有大大碗。醉香雞湯麵($50)呢度嘅店員一路工作一路唱歌，好搞笑😂😂有良心又好食嘅店真係唔多㗎，一定要嚟試！