影片
更多
2022-07-30
99 瀏覽
聽聞好難預約既牛大人係無諗住book到既情況下，經openrice預約到6點；當晚我地預早左到達分店，當時門口已經好多人等入座。係我到達既第一時間，由於我有一位朋友係孕婦，佢地坐低左等，我就先行到接待處通知我地齊人，當時有位職員話我知要係入座前揀左湯底A、B、C其中一款餐牌先，於是我去問埋朋友；之後我地3個一齊到接待處諗住通知職員揀左D咩，但係有一位女職員(唔係頭先叫我揀餐個位)問我係咪頭先有職員叫我等，我話你地職員係叫我揀完湯底同餐之後通知返你地就可以入座，佢好唔耐煩咁再重覆咁話係咪有人叫我地等，我話無，只係叫我同朋友揀好過黎通知返接待處，佢既表情係極度無耐性，言語間前後加＂唔該＂係無用，一個人都可以用好差既態度講唔該！其實既然大家溝通唔到，我唔明當時點解佢隔離有同事唔幫口，佢亦都唔會去睇下張預約紙有邊位客人已經通知左到齊人，好無禮貌！至於食物，中規中矩啦…不過任食打邊爐，呢間餐廳算係較多選擇；而餐廳內既職員都好有耐性，有禮貌，亦都能夠一眼關七，好多時佢地拎住好多野都會讓路俾客人先，所以值得一讚！而我覺得可以改善既係每張檯都只有一個大碗俾客人出去夾食物，我睇到其他檯就算４個人都只係得
係我到達既第一時間，由於我有一位朋友係孕婦，佢地坐低左等，我就先行到接待處通知我地齊人，當時有位職員話我知要係入座前揀左湯底A、B、C其中一款餐牌先，於是我去問埋朋友；之後我地3個一齊到接待處諗住通知職員揀左D咩，但係有一位女職員(唔係頭先叫我揀餐個位)問我係咪頭先有職員叫我等，我話你地職員係叫我揀完湯底同餐之後通知返你地就可以入座，佢好唔耐煩咁再重覆咁話係咪有人叫我地等，我話無，只係叫我同朋友揀好過黎通知返接待處，佢既表情係極度無耐性，言語間前後加＂唔該＂係無用，一個人都可以用好差既態度講唔該！其實既然大家溝通唔到，我唔明當時點解佢隔離有同事唔幫口，佢亦都唔會去睇下張預約紙有邊位客人已經通知左到齊人，好無禮貌！
至於食物，中規中矩啦…不過任食打邊爐，呢間餐廳算係較多選擇；而餐廳內既職員都好有耐性，有禮貌，亦都能夠一眼關七，好多時佢地拎住好多野都會讓路俾客人先，所以值得一讚！
而我覺得可以改善既係每張檯都只有一個大碗俾客人出去夾食物，我睇到其他檯就算４個人都只係得一個大碗，其實我覺得可以兩人一個，因為真係出到去夾左丸之類已經無多位置夾菜，而今時今日太講究健康，所以如果餐廳可以增添多一個碗又好碟仔又好，咁樣會好D～
張貼