屋喔 (已結業)

上一次嚟嘅印象已經唔好，叫咗杯三十幾蚊嘅野飲，一啲誠意都無，只係一杯放咗一包茶包嘅熱牛奶。諗住今次再比多次機會佢，點知試嘅新嘢依然係伏，非常失望啊...1. 辣腸明蝦義大利麵，睇個名以為只係香腸係辣，點知大伏！係成碟嘢都超！級！辣！食開譚仔三小辣嘅我都食唔到，後勁非常厲害，完全無預過佢係咁辣，仲比我搵到有三條好長嘅辣椒，救命浪費哂成碟麵。2.明太子煙肉闊條麵：承惠$78，但份量真係好少啊... 一個女仔食都唔夠飽，但味道比起上面，已經算唔錯...最後呢個甜品都係唔好食，泡芙已經淋哂，生果一啲都唔新鮮，有好奇怪嘅味道啊...