影片
更多
2023-05-05
544 瀏覽
上年網上社交媒體群組介紹食魚馳名，同朋友食咗幾次，因上枱太好食太正唔記得影相，所以冇寫食評。今日去屯門醫院覆診完，約下午一點半左右，坐輕鐵到兆康站轉西鐵到元朗，到朗屏站落車步行去到約兩點。本身想食魚，但又想試下佢其他廚房嘢質素，諗住留待下次兩個人再去時，叫兩款魚餐時撈亂食仲正。入到去除咗我之外，只有兩枱食客堂食，及一啲外賣自取熟客。比平時我夜晚去人少，生意確係難做 ! 我叫咗韮菜蝦仁炒蛋飯，先有碗熱辣辣中式例湯飲，應該係白、紅蘿蔔煲豬骨，唔錯幾好飲唔頸渴。凍奶茶同時上味道偏淡，但淡奶係非常足夠滑。等咗約 8 分鐘碟飯上枱，廚房加咗甜豉油好開胃，但我都係嫌啖加咗幾滴、枱面擺放嘅李錦記鮮味生抽，加完更加惹味成碟食哂 ! 之後慢慢飲埋杯凍奶茶，慢慢坐到員工午飯擺枱前，我識做要求先埋單唔好阻佢咃食飯，我就用八達通消費劵埋單，再坐多一陣就離去，到附近買全元朗最便宜蔬菜。 之前食過香煎馬友，煎得好均勻唔油好乾身香脆，但用筷子夾落肉好鮮嫩，加上碟邊伴有香蔥、蒜片、蔥花、芫茜，及甜豉油熟油，倒小匙羹伴碟甜豉油落白飯，超級開胃好食。另外又食過豉汁蒸鯧魚、果皮蒸泥鯭、及香煎牙帶魚都非常好食，價錢大約六十幾
今日去屯門醫院覆診完，約下午一點半左右，坐輕鐵到兆康站轉西鐵到元朗，到朗屏站落車步行去到約兩點。本身想食魚，但又想試下佢其他廚房嘢質素，諗住留待下次兩個人再去時，叫兩款魚餐時撈亂食仲正。
入到去除咗我之外，只有兩枱食客堂食，及一啲外賣自取熟客。比平時我夜晚去人少，生意確係難做 ! 我叫咗韮菜蝦仁炒蛋飯，先有碗熱辣辣中式例湯飲，應該係白、紅蘿蔔煲豬骨，唔錯幾好飲唔頸渴。凍奶茶同時上味道偏淡，但淡奶係非常足夠滑。等咗約 8 分鐘碟飯上枱，廚房加咗甜豉油好開胃，但我都係嫌啖加咗幾滴、枱面擺放嘅李錦記鮮味生抽，加完更加惹味成碟食哂 !
午餐 (韮菜蝦仁炒蛋飯) $50元「送中式例湯 + 凍奶茶凍飲加 $2
$52
58 瀏覽
0 讚好
0 留言
韮菜蝦仁炒蛋飯 + 凍飲 $2
$52
21 瀏覽
0 讚好
0 留言
之後慢慢飲埋杯凍奶茶，慢慢坐到員工午飯擺枱前，我識做要求先埋單唔好阻佢咃食飯，我就用八達通消費劵埋單，再坐多一陣就離去，到附近買全元朗最便宜蔬菜。
之前食過香煎馬友，煎得好均勻唔油好乾身香脆，但用筷子夾落肉好鮮嫩，加上碟邊伴有香蔥、蒜片、蔥花、芫茜，及甜豉油熟油，倒小匙羹伴碟甜豉油落白飯，超級開胃好食。
另外又食過豉汁蒸鯧魚、果皮蒸泥鯭、及香煎牙帶魚都非常好食，價錢大約六十幾近七十蚊起。去開街市睇冰鮮牙帶魚，短過手掌最平都約 $30~35元一條。呢度煎得好靚屋企傢生煎唔到，加上例沙及飲品，現場堂食空間雖然唔大，但枱櫈唔淺窄坐得好舒服，仲有各類電子收費相當方便。
絕對推介中意食魚人士，相信元朗區最抵食、及整得唔錯之一，絕對值得推薦 !
題外話/補充資料：
上枱有一杯估計係青檸水，枱面上食具都乾淨、最好就係有埋餐紙巾任取。
備有各類電子收費系統、八達通、支付寶、及微信支付等等都有，非常方便。
(以上食評乃用戶個人意見 , 並不代表OpenRice之觀點。)
張貼
