芽莊越式料理 (海港城)

營業中

休息中

芽莊係海港城算是比較經濟實惠的餐廳，如果撞啱無郵輪停泊，付出70幾蚊叫碗檬粉，就可以飽覽維港夜景，真係算唔錯今次叫左三樣野食:河內蕃茄蟹肉湯檬-每次都係必食之選，或者佢有加味精，但完全唔覺，湯底有好清新的蕃茄香，飲完唔確喉，唔會覺得好口乾，而且湯內有兩隻蟹鉗，明顯的蟹肉，兩粒彈牙的魚肉豆腐及扎肉，絕對是足料，每次食到連湯都飲埋。河內牛肉撈檬-佢本身有牛肉汁，所以唔落魚露同檸檬汁，都唔會太乾身，不過，因為牛肉汁好咸，所以建議落番魚露同檸檬汁比較好。燒大蝦紙米卷-比預期中少，70幾蚊得4舊。不過，可能係虎蝦，所以都算大隻。而卷內有米紙，青瓜牛油果，這些比清新的材料突出到燒蝦的香，所以其他餸係比油的話，叫呢個中和番係不錯的選擇。