影片
更多
2017-12-04
875 瀏覽
哩間麵檔我細細個就食過，自從附近開咗第二間麵檔之後我就冇再幫襯佢啦，今日另外間麵檔冇開，我就幫襯佢一次喇。先講吓點解要改食另一間，唔係因為佢唔好食，而係因為佢成日好快賣晒，叫咩冇咩，又賣得貴，店員態度又差，所以先改食另一間，其實哩間嘢食唔差，加上上過報紙雜誌紅咗，就臭串啲囉。咁我好耐冇食，就睇吓餐牌先叫，見到單拼28蚊，就叫咗一碗雞翼米加汁，點知佢就收咗我50蚊，找返6蚊俾我，50-6=44，我就奇怪，點解28蚊變咗44蚊呢？我就問吓店員個麵幾錢啦，佢話34，咁我就問返佢攞10蚊，最初煮麵嗰個唔肯俾返10蚊我，話睇住我俾40蚊嘅，態度亦一如以往咁差，但我好清楚自己俾咗一張50蚊，企得好硬，頭先收錢嗰個先俾返10蚊我，真係一肚氣。有冇覺得奇怪呢？我唔係叫外賣，但佢就用發泡膠碗俾我，原因係因為我過枱食囉⋯⋯只係隔離枱，咁做真係好唔環保，同埋好冇意義！（要反佢白眼！）食落同以前一樣，牛腩汁湯底同一般牛腩汁唔同，色水好深，冇牛味，湯頭好甜，我自己唔鍾意咁甜，但佢就紅在哩個甜味牛腩汁。雞翼有兩隻全翼，所以收得貴都算值嘅。但其實哩間嘢食我欣賞之處唔係在於碗麵，而係佢哋嘅辣椒油！真係好香，而且係好食
先講吓點解要改食另一間，唔係因為佢唔好食，而係因為佢成日好快賣晒，叫咩冇咩，又賣得貴，店員態度又差，所以先改食另一間，其實哩間嘢食唔差，加上上過報紙雜誌紅咗，就臭串啲囉。
咁我好耐冇食，就睇吓餐牌先叫，見到單拼28蚊，就叫咗一碗雞翼米加汁，點知佢就收咗我50蚊，找返6蚊俾我，50-6=44，我就奇怪，點解28蚊變咗44蚊呢？我就問吓店員個麵幾錢啦，佢話34，咁我就問返佢攞10蚊，最初煮麵嗰個唔肯俾返10蚊我，話睇住我俾40蚊嘅，態度亦一如以往咁差，但我好清楚自己俾咗一張50蚊，企得好硬，頭先收錢嗰個先俾返10蚊我，真係一肚氣。
有冇覺得奇怪呢？我唔係叫外賣，但佢就用發泡膠碗俾我，原因係因為我過枱食囉⋯⋯只係隔離枱，咁做真係好唔環保，同埋好冇意義！（要反佢白眼！）
食落同以前一樣，牛腩汁湯底同一般牛腩汁唔同，色水好深，冇牛味，湯頭好甜，我自己唔鍾意咁甜，但佢就紅在哩個甜味牛腩汁。
雞翼有兩隻全翼，所以收得貴都算值嘅。
但其實哩間嘢食我欣賞之處唔係在於碗麵，而係佢哋嘅辣椒油！真係好香，而且係好食到有得買，亦唔平，細細樽68蚊。
真心間嘢唔係報紙上講得咁好食，最緊要係店員態度差，而且非常唔環保，所以我係唔推薦大家去幫襯。最多就係去買樽辣椒油返屋企慢慢食囉。
張貼
