影片
更多
2014-01-11
1412 瀏覽
早2日試左佢既抹茶梳乎厘同埋抹茶夾心蛋糕, 已經被佢秒殺左當日仲特登訂左抹茶卷蛋, 係weekend慢慢enjoy終於到左星期六去拎卷蛋既日子喇我已經打算拎卷蛋既同時, 買埋其他野來試除左蛋捲同牛油蛋糕未買之外, 一口氣買左幾款好 !! 等我逐一介紹下先抹茶年輪蛋糕好濃既抹茶, 但同時亦都食到蛋糕既牛油香味抹茶直情濃到食完之後, 碟上有個綠色既印抹茶銅鑼燒買完之後, 我望左個packing好耐, 係度諗點解佢會寫住もちもちの月もち係日本年糕, 我初時以為佢會有年糕係入面原來佢同平時既銅鑼燒唔同, 佢個皮係較為煙韌, 入面既餡, 甜度適中抹茶紅葉饅頭紅豆餡比較甜, 但甜得來唔係漏店內唯一抹茶以外的其他選擇 -- 烘焙茶梳乎厘其實係香港, 烘焙茶既甜點真係唔多我印象中, 我自己都係最多係連鎖咖啡店同快餐店飲過烘焙茶之外, 應該冇係香港食過烘焙茶既甜點同早2日既抹茶相比, 各有不同, 打成平手來到是日重點推介 ... 當然係皇牌甜點 -- 抹茶卷蛋實而不華既簡約包裝, 打開之後, 兩邊有冰包比你係返屋企途中保持蛋糕新鮮白紙既和紙入面, 再有一張銀色既包裝紙捲住卷蛋卷蛋頭尾各有一張透明紙以防忌
當日仲特登訂左抹茶卷蛋, 係weekend慢慢enjoy
終於到左星期六去拎卷蛋既日子喇
我已經打算拎卷蛋既同時, 買埋其他野來試
除左蛋捲同牛油蛋糕未買之外, 一口氣買左幾款
好 !! 等我逐一介紹下先
抹茶年輪蛋糕好濃既抹茶, 但同時亦都食到蛋糕既牛油香味
抹茶直情濃到食完之後, 碟上有個綠色既印
抹茶銅鑼燒買完之後, 我望左個packing好耐, 係度諗點解佢會寫住もちもちの月
もち係日本年糕, 我初時以為佢會有年糕係入面
原來佢同平時既銅鑼燒唔同, 佢個皮係較為煙韌, 入面既餡, 甜度適中
抹茶紅葉饅頭紅豆餡比較甜, 但甜得來唔係漏
店內唯一抹茶以外的其他選擇 -- 烘焙茶梳乎厘其實係香港, 烘焙茶既甜點真係唔多
我印象中, 我自己都係最多係連鎖咖啡店同快餐店飲過烘焙茶之外, 應該冇係香港食過烘焙茶既甜點
同早2日既抹茶相比, 各有不同, 打成平手
來到是日重點推介 ... 當然係皇牌甜點 -- 抹茶卷蛋
實而不華既簡約包裝, 打開之後, 兩邊有冰包比你係返屋企途中保持蛋糕新鮮白紙既和紙入面, 再有一張銀色既包裝紙捲住卷蛋
卷蛋頭尾各有一張透明紙以防忌廉外漏
好細心既包裝, 希望客人食到佢地悉心製作既美味抹茶卷蛋
個人覺得, 如果佢張銀色包裝紙掉轉來包, 會好D
因為家陣係個底度開, 條卷蛋係掉轉左既, 要反轉佢先可以正面切
攪左一輪, 終於落刀切左一件出來試
當你切落去既時候, 你已經feel到佢個蛋糕係非常鬆軟, 好似棉花咁
D cream好似雪糕一樣, 但係好滑
本來覺得150蚊一條卷蛋係好貴, 但食過之後, 覺得係值得既 !!
暫時佢係我係香港食過最好食既抹茶甜點 !!
每款甜點都各有不同, 鍾意抹茶既人, 真係要逐款試晒佢
(10分為滿分)
抹茶卷蛋 10/10
抹茶梳乎厘 9/10
抹茶夾心蛋糕 8.5/10
抹茶年輪蛋糕 8/10
抹茶銅鑼燒 8/10
抹茶紅葉饅頭 7.5/10
烘焙茶梳乎厘 9/10
期待下次試埋牛油蛋糕同埋蛋捲
張貼
