Stella's Bar & Restaurant (已結業)

廚房有一大塊透明玻璃，可以一邊食一邊望到裏面嘅情況。鵝肝牛脷肉凍係由一層鵝肝一層牛脷組合而成，鵝肝很香很棉夾雜着牛脷嘅鹹香味很夾，伴碟嘅無花果乾剛好帶給清甜嘅味道，食多幾啖都唔覺得膩。溫泉蛋白松露，白松露爽口清新，點少少溫泉蛋嚟食，香味四溢。法式紅酒燴雞，分量很多，全部都係雞髀，雞髀肉煮得夠淋，食落有紅酒嘅香味。伯爵茶奶凍，很香伯爵茶香，奶凍軟硬做得剛剛好，入口即化，先嚐到奶味繼而慢慢滲出茶香。士多啤梨慕絲，士多啤梨味非常濃郁，帶一點酸，慕絲質感似New York cheese cake，我非常喜歡。