峰壽司

營業中

休息中

峰壽司曾經有段輝煌歲月，尤其是「黑夜壽司」時期，排隊等食的人數以千計。近年來雖然無再去食，但一直都對峰壽司keep住有正面的印象。午餐時份諗緊食乜嘅時候就見到，原來VWalk有峰壽司，就走咗去試！可能「希望越大，失望越大」，入座時侍應帶我到座位後就走開，沒有餐牌、沒有茶，等咗陣嘗試想叫侍應，都等咗一段時間先有人來，當然午餐時份可能比較忙，未必即時能回應，但一個「轉頭過來」的反應或眼神都無，齋坐喺度都有少少尷尬。我點咗午市的壽司定食，確實令人有點莞爾。壽司飯是微溫的，而壽司上的食材普遍都無乜味道，連三文魚、吞拿魚呢啲咁容易分辨的魚類都不太嚐到有咩味道，我不太理解背後原因，火速食完之後就匆匆離開了。