囍記車仔麵 (已結業)

新開果陣食真係好好味，果時個四寶面，牛腩夠淋又唔乾身好入味，豬大腸同豬皮好爽又夠味，豬紅好夠味，但而家已經係第4，5次食真係食得出質素真係每況愈下，自己手寫單俾啊姐，啊姐都可以睇錯，大中小辣，廚房已經分唔到，求其落，食左3次小辣都可以唔同辣度，索性叫唔辣，牛腩又乾又硬，豬紅無乜味淡晒，豬皮唔爽又有毛，得返豬大腸係正常啲，嘢飲尚算ok，每次食都一次比一次失望，唯一ok就係新蒲崗眾多車仔面環境最舒服。