泰風SO

營業中

休息中

一直都有幫襯呢一間外賣好多年。泰國人老闆娘有善態度親切，食物抵食又好味。但自從轉咗手之後就真係越嚟越差。以前食豬頸肉湯粉有六七塊，而家得三四塊細細片，雖然味道不變，但係份量細咗好多，仲要加價加得好犀利，目測最少加價三成。重點係新老闆娘態度極差。希望個新老闆娘可以睇到呢個post。外賣小店主要都係做熟客，一係喺附近住，一係喺附近返工嘅客人，親切嘅服務係回頭客主要嘅動力，佢哋真係要檢討吓，如果唔係我驚遲啲都做唔住。