松坂日本料理 (已結業)

7月27號中午，女朋友已經講左好耐要去食日式放題，甘就近近地柬左呢度。呢間餐廳其實我地大大話話都幫襯左7 8年，初出來光顧到大約半年前，呢度都有一肥一瘦既女經理係度做，後來突然間呢度易左手d人就唔同曬，由接近全女班變為全男班，質素亦都比以前差左......我兩個月前先同家人來過，雖然選擇少但整體不錯，魚生都幾新鮮，牛肉亦都算juicy，不過質素有時都幾飄忽，有一次個甜品仲比過超級難食既芒果布甸，我發誓呢一世人未食過如此難食既甜品，簡直畢生難忘！我地去到，照樣無咩人，呢樣野係我比較buy既，坐得舒服，服務生態度也不錯，好少漏單，魚生選擇中午就永遠都係得4樣，主打既三文魚，仲有立魚，甜蝦，北寄貝，我地三文魚叫左5次，有4次都係幾肥既腩位，正！不過呢次又無銀鱈魚骨，有d失望.........不過最失望的就係聽個經理話以後都唔會再整我認爲佢地最得既椰汁糕啦，我覺得無左呢樣甜品我真係未必會再幫襯啦！