船渦

營業中

休息中

一人一鍋嘅火鍋就食得多， 原來蒸氣火鍋都做到，入去裝修都好乾淨整潔，每台用好高嘅竹簾分隔，無論是單人或多人食都能夠配合， 而且自己顧自己， 唔需要等蒸幾轉先分到少少食。我地分別揀左九品芝麻套餐及內務總管套餐，最近做優惠加$1 多隻鮑魚， 二話不說每人都加購一隻！兩個套餐小食唔同，吉列炸蠔及章魚燒都意外好味😋 海鮮分量亦好足夠同新鮮，蜆無沙亦都粒粒開殻，蒸爐亦好方便，內附計時器，可以揀相應嘅海鮮幫你計算不同嘅煮食時間，夠鐘會響鬧提醒。丸同蔬菜嘅款式亦都好多，有牛丸、墨魚丸&薑汁豬肉丸。大家記得要出去調配醬料，我覺得辣油最能帶出海鮮嘅鮮甜。最後上的南瓜芋頭粥，亦都好綿，劃上完美嘅句號。