籽樂廚房 (已結業)

中學同學話聚會～又係叫哂我去諗😓好啦尖沙咀地區～突然諗起呢間有幫襯過晚市，今次就試下佢個午市啦！其實老實說，餐廳位於一棟新起幾靚嘅大廈內，一步出lift個裝修同大廈格格不入，好簡約求其而有啲破舊feel😅 but anyway啦，我第二次幫襯就證明啲食物質素大於環境😎 3個女仔嗌左2個E餐，1個G餐。份比目魚扒一送上台，我地3個都嘩左一聲....真係超 級 厚😹😹 事隔一年幫襯，間餐廳啲食物份量依然好大好大份，而且條魚無乜冰感，煎得好好食。隔離配菜果3舊薯仔都好爽口 硬度淋度適中。條魚啲骨都唔會碎到驚吞到～ 最後，呢間餐廳係一間社企～但希望可以改善下環境衛生啦，咁食客都會食得安心啲☺️