影片
更多
2017-08-23
2164 瀏覽
生日飯⋯一直都好想試VEA 終於有機會啦一早做左research，佢地係做set menu，每2星期換1道菜式，如果有咩allergies要係booking時講埋是日MENU，睇到以為唔會好多野食，食完好多，感覺上佢有幾款都無寫落MENU！依隻龜龜一嚟到就已經喺度，放咗喺台面，原來食得嫁。So cute！入邊係佢地mix既cheese。First dish. 流心「暗春」蛋（自己改既名）Special taste！從來未試過「暗春」蛋都可以流心Second dish. 佢個盤沙，我哋試過係糖黎個2舊入邊係蜆肉，mix with their dressing，幾好既配搭。Third dish. Shima Aji. 全晚覺得最surprise就係佢。佢隻冰碟原來係為咗令到佢嘅sauce係分令鐘之後變沙冰。圓形個波入邊係佢哋Mix埋嘅唔同嘅刺身，配合埋出邊鮑魚嘅鮮味，加埋沙冰個sauce，好出色嘅配搭啊！因為我哋一開始選擇咗加$500要佢urchin&caviar upgrade，距離呢盆野嘅時候，我以為上面都係我哋嫁（嚇死邊食得哂）原來係攞過嚟俾我哋影吓相Forth dish. 呢個成晚
一早做左research，佢地係做set menu，每2星期換1道菜式，如果有咩allergies要係booking時講埋
是日MENU，睇到以為唔會好多野食，食完好多，感覺上佢有幾款都無寫落MENU！
依隻龜龜一嚟到就已經喺度，放咗喺台面，原來食得嫁。So cute！入邊係佢地mix既cheese。
First dish. 流心「暗春」蛋（自己改既名）
Special taste！從來未試過「暗春」蛋都可以流心
Second dish. 佢個盤沙，我哋試過係糖黎個2舊入邊係蜆肉，mix with their dressing，幾好既配搭。
Third dish. Shima Aji. 全晚覺得最surprise就係佢。佢隻冰碟原來係為咗令到佢嘅sauce係分令鐘之後變沙冰。圓形個波入邊係佢哋Mix埋嘅唔同嘅刺身，配合埋出邊鮑魚嘅鮮味，加埋沙冰個sauce，好出色嘅配搭啊！
因為我哋一開始選擇咗加$500要佢urchin&caviar upgrade，距離呢盆野嘅時候，我以為上面都係我哋嫁（嚇死邊食得哂）原來係攞過嚟俾我哋影吓相
Forth dish. 呢個成晚最普通嘅一個Mixed salad.
Fifth dish. Roasted Sea Cucumber. 好出色好出色好出色啊！下面嘅係龍蝦sauce，海參下面係龍蝦肉，介紹嘅時候好似話係日本海參。日本海參係由新鮮海參去內臟，水煮後乾製而成，依呢隻係由北海道來的遼參！
Sixth dish. Upgraded Taiyouran Egg. 面係人海膽汁做成，海膽新鮮，Caviar又正，最出色就係隻蝦mix埋！朋友無upgrade，但佢地個個好似仲正咁
Seventh dish. 白切雞，奶油津白，乳豬，上面嗰塊係松露，上邊一點點嘅係梅子汁。唔錯唔錯
食到呢味菜，已經八成九成⋯
Eighth dish. 又一highlight！24 hours slow cooked Australia Wagyu Rib. 佢下面配合左冬瓜，雖然個sauce比較heavy，但配合冬瓜以及其他配料係岩岩好！牛肉入口即溶。
Dessert dish. 佢甜品都有三款，可惜太多相post唔哂3款。
呢碟最出色，大家見到前邊六角形嗰個透明啫喱入邊係佢自己種嘅臭草，後面果舊雪糕係海鹽雪糕，中間餅底係truffle crushed。所有野配合埋岩岩好，感受到佢哋嘅細心配塔。
今日係得好好好好超級非常滿足的生日飯，感激有朋友陪我一齊enjoy。四個鐘嘅時間入邊，每1分鐘都好enjoy有surprises。
張貼
